Mae Undeb Amaethwyr Cymru yn annog siopwyr i wneud y siopa Nadolig yn lleol er mwyn cefnogi busnesau lleol a gwledig.

Dywedodd Llywydd UAC: “Gyda’r Nadolig ar y trothwy, hoffwn annog chi i feddwl am eich busnesau gwledig a gweld a fedrwch chi brynu’n lleol, unai ar gyfer y cinio Nadolig neu ar gyfer anrhegion y teulu a ffrindiau.

“Siaradwch gyda’r cigydd lleol yngl?n â chig dros gyfnod y Nadolig ac ewch draw i’r siop fferm leol i weld beth sydd gyda nhw i gynnig, rwy’n addo i chi y dewch o hyd i nifer o’r cynhwysion sydd angen ar gyfer y cinio Nadolig yn agos iawn at adref.

“Mae digon o siopau bach hefyd sy’n cynnig crefftau Cymreig ac anrhegion wedi cael eu cynllunio’n lleol, ac mae’r dewis ar gyfer bwyd yn niferus.  Mae’n werth edrych i weld beth sydd ar gael.  Mae’n penderfyniadau bach ni yn cael effaith eang ar ein heconomi leol.

“Mae gwario punt yn lleol yn mynd ymhellach na gwario punt mewn siop fawr ac mae’n cynnal ein heconomïau gwledig. Wrth gefnogi ein busnesau lleol, nid ydym yn helpu Prif Weithredwr i brynu trydydd t? gwyliau, ond yn helpu tad a mam leol i roi bwyd ar y bwrdd, teulu i dalu’r morgais, merch fach i gael gwersi dawnsio a sicrhau bod bachgen bach yn cael crys t ei hoff dîm bêl-droed.”

Mae Undeb Amaethwyr Cymru yn noddi’r WIFI am ddim yn Ffair Aeaf Frenhinol Cymru sydd i’w chynnal yn Llanelwedd ar ddydd Llun 28 a dydd Mawrth 29 o Dachwedd mewn ymgais i amlygu’r pwysigrwydd o weld Cymru’n hollol ddigidol.

“Mae dros 15 y cant o’n poblogaeth yn parhau i fod heb gyfleusterau digidol, ac mae’r rhai hynny sydd yn medru cysylltu yn derbyn cyflymder a dibynadwyaeth gwael.  Mae yna gysylltiadau yn y trefni sy’n derbyn cyflymder o 200MBps – llawer yn fwy na’r 10MBps sy’n cael ei dderbyn mewn rhai ardaloedd gwledig”, dywedodd Rheolwr Gyfarwyddwr UAC Alan Davies.

“Mae 2 y cant o’n poblogaeth yn cynhyrchu oddeutu 60 y cant o’n bwyd.  Ond mae rhan sylweddol o’r 2 y cant yna yn parhau i fethu cysylltu gyda’r rhyngrwyd o’i ffermydd.  I amlygu’r broblem yma, mae UAC yn falch o fod yn noddi’r WIFI am ddim sydd ar gael yn Ffair Aeaf Frenhinol Cymru,” ychwanegodd Mr Davies.

Mae UAC wedi pwysleisio droeon bod y rhai hynny sydd heb gysylltu yn methu datblygu eu busnesau, nid oes modd iddynt gefnogi eu plant gyda gwaith cartref ac yn methu cysylltu gyda rhaglenni’r Llywodraeth am gyngor a thaliadau fel sy’n ofynnol ohonynt.

Ychwanegodd Mr Davies: Yn syml, mae’n hardaloedd gwledig yn cael eu hesgeuluso ac mae’r bwlch yn llydanu.  Ond hefyd, nid oes modd iddynt fanteisio ar yr effaith ehangach o dechnoleg ddigidol sy’n carlamu drwy’r byd.  Os nad ydych yn hyddysg yn y byd digidol, mae’n bosib y bydd darganfod ffyrdd arloesol i drawsnewid eich busnes yn anodd.”

Mae UAC yn cydnabod bod yna gynnydd wedi bod dros y blynyddoedd i gynnwys mwy o bobl yn y byd digidol yng Nghymru, ond mae llawer mwy o waith i’w wneud, yn enwedig wrth gysylltu gyda’r grwpiau mwyaf pell gyrhaeddol, a’r teuluoedd hynny sy’n amaethu ein tir er mwyn cynhyrchu ein bwyd ac yn gofalu am ein cynefin a’n tirwedd naturiol, sydd yn aml iawn yn y rhannau mwyaf gwledig o Gymru.

“Mae’n rhaid i ni beidio tanseilio pa mor bwysig yw hi ein bod ni’n cysylltu pob rhan o Gymru ac yn datblygu technolegau digidol er mwyn sicrhau bod ni’n gwneud ffermio a busnesau gwledig mor effeithiol ac effeithlon drwy’r cysylltiad ac yn sicrhau bod gan fwy o bobl ddyfodol digidol gwell,” ychwanegodd Mr Davies.

[caption id="attachment_7273" align="alignright" width="300"] Ffermwyr ifanc UAC Ceredigion yn trafod #AmaethAmByth gyda Dunbia.[/caption]

Daeth ffermwyr ifanc Ceredigion ynghyd yn ddiweddar i drafod #AmaethAmByth a dyfodol allforion cig oen gyda Rheolwr Gyfarwyddwr Dunbia (Llanybydder) Paul Edwards a’r Rheolwr Amaethyddol Alison Harvey.

Cafodd y cyfarfod, a drefnwyd gan gangen Ceredigion o Undeb Amaethwyr Cymru, ei gynnal ar y safle yn Llanybydder a chlywyd sut mae’r ffatri’n mynd o nerth i nerth ers cymryd yr awenau oddi wrth Oriel Jones yn 2001.

Heddiw, mae gan safle Llanybydder le ar gyfer 300 tunnell, gan gynnwys lle i ladd 33,000 o ?yn bob wythnos ac yn cyflogi oddeutu 600 o bobl.

Yn siarad ar ôl yr ymweliad, dywedodd Swyddog Gweithredol UAC Ceredigion Mared Rand Jones: “Roedd y cyfarfod yn wych ac yn gyfle i’n ffermwyr ifanc gael cyfle i glywed beth yw dyfodol ein hallforion h?yn o safbwynt y prosesydd.

“Trafodwyd nifer o bynciau amaethyddol gan gynnwys Brexit, sut i gael mwy o gig oen ar gael yma, Rheoliadau TSE a’r diweddaraf ar allforio ein cig oen ni i’r Unol Daleithiau.

Yn dilyn y trafodaethau, cafwyd cip olwg ar y ffatri gan ddilyn y broses yn llawn o’r lladd i’r pecynnu.

“Roedd gweld y ffatri yn ddiddorol iawn, buaswn yn argymell i bawb weld y broses lawn o ladd i becynnu’r cynnyrch terfynol,” ychwanegodd Mared Rand Jones.  Dywedodd Rheolwr Gyfarwyddwr Dunbia (Llanybydder) Paul Edwards: “Mae’n bwysig ein bod ni fel cadwyn gyflenwi yn cysylltu gyda’n gilydd, ac mae croesawu gr?p o ffermwyr ifanc i’r ffatri yn ffordd wych o wneud hynny.

“Nid oes dim byd gwell na gweld y cynnyrch a chyfarfod y bobl sy’n gweithio’n uniongyrchol yn y busnes.  Mae bob amser yn werthfawr i gysylltu gyda phobl ifanc y diwydiant a chlywed beth sydd ganddynt i’w ddweud.

“Cawsom drafodaeth dda cyn gweld y ffatri, ac roedd hi’n galonogol i glywed eu brwdfrydedd a’u hangerdd tuag at hybu Cig Eidion ac Oen Cymreig a hynny drwy gysylltiad agosach rhwng y cynhyrchydd, prosesydd a’r cwsmer.”

[caption id="attachment_7289" align="alignleft" width="300"] Enillydd y categori Cymraeg oedd Savanna George, 10 oed o Ysgol Henry Richard, Campws Cynradd, Tregaron.[/caption]

Mae elusen y Llywydd, Sefydliad Prydeinig y Galon Cymru wedi elwa o gystadleuaeth ysgolion cynradd Cymru i ddylunio carden Nadolig gyda thema amaethyddol a drefnwyd gan yr Undeb.

Dywedodd Llywydd UAC Glyn Roberts: “Roedd y gystadleuaeth yn llwyddiant ysgubol gan ddenu cannoedd o gystadleuwyr ar draws Cymru.  Roedd y safon yn eithriadol o uchel a oedd tipyn o dasg yn wynebu’r beirniaid wrth bigo’r enillwyr.

“Rwyf am ddiolch i bob plentyn a gymerodd rhan yn y gystadleuaeth ac i ddweud ni fyddai’r gystadleuaeth wedi bod cymaint o lwyddiant heb eu gwaith nhw.  Rwy’n ddiolchgar hefyd i staff yr ysgolion fu’n cynorthwyo UAC gyda’r gystadleuaeth yma.

“Cafodd plant y dref a’r wlad gyfle i ymgysylltu gyda’r diwydiant amaethyddol a mynegi beth maent yn ei deimlo mewn ffordd greadigol a lliwgar yn dangos pam bod #AmaethAmByth.  Mae’n hanfodol bwysig ein bod ni fel ffermwyr yn cadw cysylltiad agos gyda phobl ifanc a bod nhw’n deall sut mae bwyd yn cael ei gynhyrchu yn y wlad yma.”

Roedd y gystadleuaeth mewn dau gategori, cynlluniau Cymraeg a Saesneg.  Enillydd y categori Cymraeg oedd Savanna George, 10 oed o Ysgol Henry Richard, Campws Cynradd, Tregaron.  Roedd ei chynllun buddugol yn dangos cyfres o anifeiliaid lliwgar yn gwisgo hetiau Nadolig, ac yn dangos y slogan ‘Amaeth Am Byth’.

Enillydd y categori Saesneg oedd Caleb Vater, 9 oed o St Nicholas House, Christ College, Aberhonddu.  Roedd ei gynllun buddugol yn dangos ffermwr yn gyrru tractor ar draws cae gyda llaeth a thatws, yn ogystal â choeden Nadolig ar y trelar.  Roedd y goeden wedi cael ei haddurno gyda llysiau.

[caption id="attachment_7290" align="alignright" width="300"] The winner of the English category was Caleb Vater, 9, of St Nicholas House, Christ College, Brecon.[/caption]

Mae’r ddau yn ennill tocyn rhodd gwerth £30 i’w hunain, pecyn o gardiau yn dangos eu cynllun nhw a siec o £50 i’w hysgol.

Mae’r cardiau hefyd ar gael i'w prynu o swyddfeydd sir UAC ar draws Cymru neu o brif swyddfa'r undeb yn Aberystwyth am £5 am becyn o 10.

[caption id="attachment_7255" align="alignleft" width="300"] Swyddogion UAC yn cynnal cyfarfod llwyddiannus gyda Nathan Gill AC er mwyn trafod #AmaethAmByth[/caption]

Mae cangen Ynys Môn o Undeb Amaethwyr Cymru wedi cynnal cyfarfod llwyddiannus gyda’r AC lleol Nathan Gill, gan drafod materion #AmaethAmByth o bwys yng Nghwesty’r Bull, Llangefni.

Cyllid ar gyfer amaethyddiaeth ar ôl Brexit oedd ar frig yr agenda a bu swyddogion yr Undeb hefyd yn trafod y pwysigrwydd o brynu’n lleol.

Dywedodd Heidi Williams, Swyddog Gweithredol Sirol cangen Ynys Môn: “Hoffwn ddiolch i Nathan Gill am gyfarfod â ni i drafod materion amaethyddol.

“Mi bwysleisiwyd bod angen cynllunio Brexit yn fanwl gywir a bod angen i amaethyddiaeth Gymreig fod ar frig agenda Llywodraeth Cymru.

“Does dim amheuaeth bod ffermwyr Cymru angen yr un lefel o gymorth ar ôl i ni adael y UE ag y maent yn ei dderbyn ar hyn o bryd, yn enwedig os ydym am sicrhau tegwch i bawb.”

Wrth siarad am brynu’n lleol, ychwanegodd Mr Williams: “Cafodd y pwnc o brynu’n lleol ei godi gyda Mr Gill a manteisiwyd ar y cyfle i bwysleisio’r angen i gydnabod bod prynu’n lleol yn fuddsoddiad ym musnesau Cymru ac yn codi ymwybyddiaeth o gynnyrch Cymreig gyda’r cwsmeriaid.

“Petai gyda ni bolisïau prynu’n lleol mewn grym a chytundebau masnach sydd o fudd i ni, byddai modd i ni annog ffurfio cwmnïau a chwmnïau cydweithredol, a fydd wrth gwrs yn cynnig manteision megis cyflogaeth leol ac unioni’r anghydbwysedd sy’n bodoli ar hyd o bryd ar draws y gadwyn gyflenwi.”

Hefyd yn bresennol oedd Gwynedd Evans o Emyr Evans a’i gwmni sef un o gyflenwyr tractorau a pheiriannau mwyaf Gogledd Cymru. Ymunodd y cwmni, sy’n cyflogi 30 o staff, gyda UAC er mwyn lleisio’i barn yngl?n â dyfodol cytundebau masnach gydag Ewrop.

Cynhaliodd cangen Sir Benfro o Undeb Amaethwyr Cymru noson Bingo llwyddiannus er budd Sefydliad Prydeinig y Galon nos Iau Tachwedd 10.

Cynhaliwyd y digwyddiad yng nghlwb Criced Hwlffordd a codwyd £403.96 ar gyfer BHF Cymru.

Dywedodd Swyddog Gweithredol UAC Sir Benfro Rebecca Voyle: “Hoffwn ddiolch i’n holl aelodau a ffrindiau’r Undeb a ymunodd gyda ni ar y noson er mwyn codi swm ardderchog o arian er mwyn cefnogi gwaith gwych BHF Cymru.

“BHF yw elusen calon y genedl ac wrth wraidd ariannu ymchwil cardiofasgwlaidd. Clefyd Coronaidd y Galon yw’r problemau iechyd mwyaf yn y DU ac mae ymchwil arloesol BHF wedi trawsnewid bywydau pobl sy’n byw gyda chlefydau’r galon.

“Mae eu gwaith nhw wedi bod allweddol i ddarganfod triniaethau hanfodol sy’n help ym mrwydr y DU yn erbyn clefyd y galon ac rwy’n hynod o falch ein bod yn medru chwyddo’r coffrau ymchwil.”