[caption id="attachment_7699" align="aligncenter" width="300"] O’r chwith, Tom Jones, Prysor Williams, llywydd UAC Meirionnydd Tegwyn Jones, a Huw Tudor.[/caption]

Daeth ffermwyr ym Meirionnydd at ei gilydd yn ddiweddar i drafod dyfodol posib y byd amaeth unwaith y mae’r Deyrnas Unedig wedi gadael yr Undeb Ewropeaidd, wrth iddyn nhw ymuno â’u cangen UAC leol yn y cyfarfod cyffredinol blynyddol yn Nolgellau.

Ymhlith y rhai a gyflwynodd rhywbeth i gnoi cil drosto ar y noson roedd cyn is-lywydd UAC Tom Jones, sy’n cynrychioli Cymru ar Bwyllgor Economaidd a Chymdeithasol Ewrop ym Mrwsel, ac yn gyfarwyddwr Anweithredol yn Swyddfa Cymru, uwch ddarlithydd mewn Rheolaeth Amgylcheddol ym Mhrifysgol Bangor Dr Prysor Williams a rheolwr amaethyddol rhanbarthol gyda HSBC Huw Tudor.

Meddai swyddog gweithredol sirol UAC Meirionnydd, Huw Jones: “Gyda’r dyfalu ynghylch beth allai Brexit ei olygu yn nhermau graddfeydd amser, cytundebau masnachu, a newidiadau beunyddiol i’r ddeddfwriaeth, mae’r diwydiant yn wynebu lefel o ansicrwydd a risg na welwyd mo’i fath ers cenedlaethau.

“Yn ddiamau, dyma’r broblem fwyaf sy’n wynebu ffermio yn y dyfodol agos, ac nid yw’n ormodiaeth dweud bod y diwydiant amaeth a’n cymunedau gwledig yn wynebu’r her fwyaf ers yr Ail Ryfel Byd.

“Hoffwn ddiolch i’n panelwyr am rannu’u meddyliau gyda ni ar y noson, a fydd yn ysgogi llawer iawn mwy o drafod yn y dyfodol dwi’n si?r.”

[caption id="attachment_7530" align="alignleft" width="300"] Ffermwyr Meirionnydd yn pwysleisio’r pwysigrwydd o fynediad masnach di-dariff i’r farchnad.[/caption]

Yn ddiweddar daeth ffermwyr Meirionnydd ynghyd i ddangos pwysigrwydd ffermio yn y sir ac i rannu syniadau a phryderon am y diwydiant yn sgil yr ansicrwydd sy’n deillio o benderfyniad y DU i adael yr Undeb Ewropeaidd.

Roedd AC Llafur dros Ganolbarth a Gorllewin Cymru y Farwnes Eluned Morgan hefyd yn bresennol yn Esgairgyfela, Aberdyfi, sy'n cael ei redeg gan Dewi Owen a'i wraig Meinir.

Roedd yr ymweliad yn gyfle i drafod pwysigrwydd mynediad parhaus i'r farchnad sengl a dywedodd ffermwyr eu bod yn ofni'r posibilrwydd o wynebu tollau wrth allforio cynnyrch i'r UE, yn ogystal â'u pryder am ba gymorth bydd ar gael i amaethyddiaeth unwaith y bydd y DU yn gadael yr UE.

Mae fferm cynrychiolydd Pwyllgor Cyllid a Threfn Undeb Amaethwyr Cymru Dewi Owen yn ymestyn i oddeutu 280 erw ac yn cadw 400 o ddefaid Mule Cymreig a 10 o wartheg Charolais pur.  Dywedodd Mr Owen: “Mae mynediad di-dariff i farchnadoedd yr UE yn hanfodol, yn enwedig i’r sector defaid Cymreig ac rydym wedi atgyfnerthu’r neges honno wrth gyfarfod ag Eluned Morgan yma ar y fferm.

Mae UAC wedi ac yn mynd i barhau i bwysleisio y dylai allforion ar ôl-Brexit i'r DU fod yn unol â’r un safonau amgylcheddol ac iechyd anifeiliaid, a dylai unrhyw gytundeb sy'n caniatáu mynediad rhydd i farchnadoedd y DU ar gyfer cynnyrch amaethyddol yr UE gynnwys cymorth ariannol i gynhyrchwyr y DU sy'n cyfateb i'r gefnogaeth sy’n cael ei dderbyn gan ffermwyr yr UE.

[caption id="attachment_7531" align="alignright" width="300"] (ch-dd) Meinir Owen, Eluned Morgan a Dewi Owen.[/caption]

"Mae'n gwbl hanfodol bod llywodraethau hefyd yn cefnogi bwyd a ffermio yn y DU drwy eu polisi caffael eu hunain, a thrwy sicrhau bod rheolau cystadleuaeth yn ffafriol yn hytrach na’n anfantais i ddiwydiannau’r DU."

Wrth drafod masnach pwysleisiodd aelodau UAC bod aelodaeth o’r undeb dollau wedi diogelu amaethyddiaeth rhag allforion bwyd o wledydd oedd ddim yn rhan o'r Undeb Ewropeaidd, cynnydd yn y gystadleuaeth o gynnyrch yr Aelod Wladwriaethau eraill, a mynediad rhydd i farchnadoedd yr UE - i gyd o fewn fframwaith cymorth fferm unigol a system o reolau cyffredin.

Dywedodd Swyddog Gweithredol UAC Sir Feirionnydd Huw Jones: “Trafodwyd ymhellach cysylltiadau masnach posib yn y dyfodol gyda gweddill y byd mewn cyfnod ôl-Brexit a’r perygl o weld cystadleuaeth gynyddol oddi wrth economïau mwy sydd â safonau iechyd anifeiliaid, diogelwch bwyd ac amgylcheddol is.

“Yr hyn sy’n achosi’r mwyaf o bryder i’n ffermwyr yw’r cynigion gan uwch wleidyddion ar draws y sbectrwm gwleidyddol i gynyddu’r allforion o fwydydd rhatach o wledydd sydd â safonau amgylcheddol, iechyd anifeiliaid, ac mewn rhai achosion, hawliau dynol is na beth sy’n ofynnol yn y DU.”

Pwysleisiodd aelodau’r Undeb, nid yn unig y byddai polisïau o'r fath yn cael effaith andwyol ddifrifol ar amaethyddiaeth y DU a chymunedau gwledig fel y rhai sydd ym Meirionnydd, ond byddai hefyd yn arwain at gynnydd cyffredinol yn nirywiad amgylcheddol a gostyngiad mewn safonau lles anifeiliaid – mae gan etholwyr y DU farn gref ar y ddau fater yma.

Ychwanegodd Mr Jones bod yna bryder gwirioneddol am golli marchnadoedd cyfandirol agos a cymharol gefnog, ac yn realistig i ba raddau y gall y rhain gael eu disodli gan farchnadoedd sy'n ymhellach llawer i ffwrdd, o ystyried y costau, logisteg a realiti o gael mynediad tebyg i ddewis arall, sy’n farchnadoedd pellach.

"Ar y wyneb, mae ffigurau cydbwysedd masnach yn awgrymu y gall gadael ardal masnach rydd yr UE fod o fudd i rai cynhyrchion trwy gael gwared ar gynnyrch sy’n cael ei fewnforio. Fodd bynnag, gallai manteision o'r fath ond gael eu gwireddu os oes yna gefnogaeth wleidyddol i bolisïau masnach sy'n lleihau mewnforion o bob gwlad arall.

"Mae cynhyrchu tymhorol yn cymhlethu'r manteision posib ac i ba raddau mae sectorau yn dibynnu ar allforio rhai mathau o gynnyrch a thoriadau ('chwarteri') sydd ddim yn apelio i gwsmeriaid y DU er mwyn cydbwyso carcas a gwerth cynnyrch.

Mae hyn yn bryder penodol ar gyfer y sector defaid yng Nghymru, lle mae cynhyrchu yn hynod o dymhorol ac yn cynnwys cyfran sylweddol o ?yn ysgafnach (tua 15 y cant) gyda dim llawer o alw amdanynt yma, gydag allforion i'r cyfandir o doriadau penodol a offal yn gyfrifol am gyfran sylweddol o werth carcas am yr un rheswm," ychwanegodd Mr Jones.

Bu swyddogion yr undeb ac aelodau hefyd yn trafod yr ymgynghoriadau diweddar ar TB mewn gwartheg, NVZ, pwysigrwydd cynlluniau Amaeth-Amgylchedd i sir fel Meirionnydd, y cyfleoedd ar gyfer arallgyfeirio gyda thwristiaeth ac ynni adnewyddadwy, diffyg cyfleusterau prosesu a phwysigrwydd olyniaeth o fewn busnesau amaethyddol.

[caption id="attachment_7532" align="alignleft" width="300"] Mae mynediad di-dariff i farchnadoedd yr UE yn hanfodol, yn enwedig ar gyfer y diwydiant defaid Cymreig, dywedodd ffermwyr Meirionnydd wrth AC Llafur dros Ganolbarth a Gorllewin Cymru y Farwnes Eluned Morgan yn Esgairgyfela, Aberdyfi.[/caption]

Ar ôl y cyfarfod dywedodd AC Canolbarth a Gorllewin Cymru, Eluned Morgan: "Roedd yn hynod o werthfawr i gwrdd â chynrychiolwyr o UAC cangen Meirionnydd. Maent wedi rhannu eu pryderon gyda mi ynghylch eu hofnau yngl?n â’r diwydiant ôl-Brexit. Rwy’n gobeithio fy mod wedi medru rhoi sicrwydd iddynt fy mod am leisio barn yn y Cynulliad am yr angen i ganolbwyntio ar ddatblygu gwledig a rhan ganolog amaethyddiaeth yn y diwydiant bwyd a diod yng Nghymru sy’n cyflogi dros 220,000 o bobl.”

Mae Undeb Amaethwyr Cymru wedi disgrifio’r posibilrwydd o gytundeb fasnach rydd gyda Seland Newydd a cholli marchnadoedd cyfandirol o ganlyniad i ‘Brexit caled’ fel storm berffaith ar gyfer amaethyddiaeth yng Nghymru.

Deilliodd y sylwadau o’r dybiaeth gynyddol y bydd y Llywodraeth, wythnos hon yn cyhoeddi ei bwriad i ddilyn trywydd ‘Brexit caled’ wrth adael marchnad sengl yr UE a’r undeb dollau, a diwrnodau ar ôl i’r Prif Weinidog Theresa May ddatgelu bod y DU yn chwilio am gytundeb fasnach rydd gyda Seland Newydd.

Dywedodd Llywydd UAC Glyn Roberts: “Mae’r rhan fwyaf o ffermwyr Cymru yn gynhyrchwyr da byw ac yn dibynnu ar allforion i’r cyfandir, ac mae ein neges wedi bod yn glir ers y refferendwm bod mynediad llawn a rhydd yn hanfodol i Gymru.”

Dywedodd Mr Roberts bod oddeutu 30 y cant o ?yn Cymreig yn cael eu hallforio i Ewrop a bod cymhlethdod y gadwyn gyflenwi Ewropeaidd yn golygu bod yna fygythiadau llym i sectorau arall.

“Mae rhai darnau o gig yn cael eu ffafrio yn y DU, tra bod eraill yn cael eu ffafrio ar y cyfandir, felly er mwyn gwneud gwerth y carcas i fyny mae'n hanfodol bod y marchnadoedd presennol yn cael eu cadw ar agor.”

Wrth ymateb i'r bygythiad o gytundeb masnach rydd gyda Seland Newydd, dywedodd Mr Roberts: "Ysgrifennais at y cyn Brif Weinidog ym mis Gorffennaf, gan bwysleisio ein pryderon ynghylch cytundeb o'r fath gyda gwlad sydd yn gystadleuaeth uniongyrchol â ni ein hunain."

Cyn belled ag y mae’r cyfleoedd sy’n cael eu creu gan gytundeb o'r fath yn y cwestiwn, disgrifiodd Mr Roberts y rhain yn ddibwys.

"Mae gan Seland Newydd boblogaeth o tua 4.5 miliwn, sef tua un y cant o faint yr UE, ac yn 11,500 o filltiroedd i ffwrdd.

"Efallai y bydd cytundeb masnach rydd yn gyfle gwych i Seland Newydd, ond, ar y cyfan, does dim manteision i'r DU, ac yn hynod o negyddol ar gyfer amaethyddiaeth."

Dywedodd Mr Roberts ei fod yn bryderus fod y cytundeb yn cael ei diystyru am resymau hwylustod gwleidyddol, ac na allai ennill marchnad o 4.5 miliwn o ddefnyddwyr ar yr ochr arall y byd wneud yn iawn am golli marchnad 500 miliwn o ddefnyddwyr ar garreg ein drws.

[caption id="attachment_7509" align="alignright" width="300"] Byddai’r diwydiant amaethyddol yng Nghymru yn cefnogi agwedd o’r un fath a Seland Newydd gan fod yna bartneriaeth ddiffuant rhwng y llywodraeth a ffermwyr a’r gwleidyddion yn cydnabod yr angen i ddifa bywyd gwyllt er mwyn rheoli TB.[/caption]

Mae Undeb Amaethwyr Cymru wedi gwrthod y cynigion i rannu Cymru yn bum rhanbarth TB gwahanol yn ei hymateb i ymgynghoriad Llywodraeth Cymru gan bwysleisio’r angen i ymdrin â’r clefyd ymhlith moch daear.

Mae Llywodraeth Cymru’n cynnig rhannu Cymru i ddau ranbarth TB uchel, dau ranbarth TB Canolradd ac un rhanbarth TB Isel, gyda rheolau gwahanol ar gyfer pob rhanbarth.  Byddai’r cynigion yn golygu dwysau rheolau TB gwartheg Cymru sydd eisoes ymhlith y rhai mwyaf llym yn y byd.

Ond yn dilyn ymgynghoriad gyda'i deuddeg cangen sirol, mae'r mwyafrif o aelodau UAC wedi gwrthod y cynigion, gan bwysleisio’r angen am reolaethau ystyrlon sy’n ystyried trosglwyddo’r clefyd o foch daear i wartheg.

Dywedodd llefarydd TB UAC Brian Walters: “Mae’r papur ymgynghori yn cydnabod bod lefel y clefyd a geir mewn moch daear yng Nghymru yn 6.6 y cant, tua 1420% yn uwch na'r lefel sydd mewn gwartheg - sef 0.4 y cant.

"Dywedodd yr aelodau yn glir bod y cynnig i rannu Cymru i fyny i bum rhanbarth ac ychwanegu ymhellach at reolaethau TB sydd eisoes y llymaf yn Ewrop ond yn briodol os bydd niferoedd y moch daear yn cael eu lleihau yn yr ardaloedd lle maent yn trosglwyddo’r clefyd i wartheg."

Yn 2012, bu is-gr?p Twbercwlosis mewn gwartheg Tasglu’r UE ar gyfer Monitro Dileu Clefydau Anifeiliaid yn feirniadol o wleidyddion Llywodraeth Cymru am ddisodli’r cynllun blaenorol o ddifa moch daear gyda rhaglen brechu moch daear, gan ddatgan: "Nid oes unrhyw dystiolaeth wyddonol i ddangos bod brechu moch daear yn lleihau nifer yr achosion o TB mewn gwartheg. Fodd bynnag, mae yna lawer o dystiolaeth i gefnogi gwaredu moch daear er mwyn gwella statws TB moch daear a gwartheg."

Mae'r adroddiad swyddogol diweddaraf ar y rhaglen brechu moch daear, a barodd pedair blynedd ar gost o £3.7 miliwn, wedi dod i'r casgliad "Ni welir tueddiadau cyson mewn arwyddion o achosion bab eto ..."

Mewn cyferbyniad, mae cyngor gwyddonol swyddogol y llywodraeth wedi dod i'r casgliad y byddai difa moch daear yn yr ardal wedi arwain at ostyngiad sylweddol yn nifer y buchesi â TB a laddwyd ac mewn gwirionedd wedi arbed arian, er gwaethaf bod y costau’n debyg i rai'r rhaglen frechu.

Ymysg y cynigion yr ymgynghorwyd arnynt gan Lywodraeth Cymru oedd mabwysiadu agwedd a dull Seland Newydd o 'brynu gwybodus' o fasnachu gwartheg, ond yn ystod gwrandawiad diweddar o Bwyllgor Newid Hinsawdd y Cynulliad, dywedodd Dr Paul Livingstone, a arweiniodd rhaglen dileu lwyddiannus yn Seland Newydd fod dim byd yn cael ei wneud yng Nghymru ynghylch y clefyd mewn moch daear.

"Byddai’r diwydiant amaethyddol yng Nghymru yn cefnogi agwedd o’r un fath a Seland Newydd gan fod yna bartneriaeth ddiffuant rhwng y llywodraeth a ffermwyr a’r gwleidyddion yn cydnabod yr angen i ddifa bywyd gwyllt er mwyn rheoli TB.

"Heb ymrwymiad gwleidyddion Cymreig, byddwn byth yn cyflawni’r llwyddiant a welwyd yn Seland Newydd, Awstralia a gwledydd eraill sydd wedi gweithredu rhaglenni dileu llwyddiannus drwy fynd i'r afael â'r clefyd mewn gwartheg a bywyd gwyllt,” ychwanegodd Mr Walters.

[caption id="attachment_7425" align="aligncenter" width="200"] Glyn Roberts.[/caption]

Roedd pwysigrwydd 2016 o ran penderfyniad y DU i adael yr UE yn dominyddu negeseuon y Nadolig a’r Flwyddyn Newydd ym mhob sector, o ofal cymdeithasol i’r diwydiant adeiladu, bancio i fferylliaeth.

Ond mae’r goblygiadau ar gyfer amaethyddiaeth yn llawer mwy pell gyrhaeddol nag unrhyw sector arall. Ers degawdau, mae aelodaeth o’r UE wedi bod yn faich ar ffermwyr a’r gadwyn gyflenwi bwyd oherwydd y gwaith papur cynyddol, a hynny’n fwy na unrhyw ddiwydiant arall, gan arwain at nifer o ffermwyr yn penderfynu eu bod nhw wedi cael digon ar Fehefin 23 2016.

Ond ar y llaw arall, diogelwyd y farchnad yn erbyn cynhyrchion rhatach tu allan i'r UE a oedd yn cael eu cynhyrchu i safonau is o lawer, a chyllideb amaethyddiaeth a datblygu gwledig yr UE llawer mwy na'r hyn oedd yn cael ei neilltuo ar gyfer unrhyw sector arall.

Wrth i wleidyddion y DU drafod a dadlau dros nifer o sefyllfaoedd posib ar ôl Brexit, gwelir llawer ein rhyddid i wneud penderfyniadau heb ymyrraeth gan aelodau sydd o blaid ffermio UE fel Ffrainc yn gyfle i dorri cymorth ar gyfer ffermio ac agor ein marchnadoedd i fwyd rhatach.

Yr un mor uchel eu cloch yw'r rhai sy’n dadlau am gael mwy o reolau a chyfyngiadau fferm wrth anwybyddu realiti economaidd a'r rhagrith a pheryglon o wneud hyn heb fynnu mwy o amddiffyniad yn erbyn y farchnad sydd â chynhyrchion sydd ddim yn amodol a’r un cyfyngiadau.

Yn y cyfamser, mae’r rhai sy’n amlygu'r niwed y mae polisïau o'r fath yn cael ar ein cymunedau gwledig yn brin, ac nid gor-ddweud yw dweud bod y diwydiant ffermio a’n heconomïau gwledig yn wynebu'r her fwyaf ers yr Ail Ryfel Byd.

Oherwydd y peryglon hyn a phleidlais Brexit, roedd yr angen am asesiad priodol o economeg amaethyddiaeth Cymru a chymunedau gwledig yn ganolog i neges maniffesto UAC, a lansiwyd yn Ffair Aeaf 2015.

Ers hynny, mae'r Undeb wedi bod ar flaen y gad o ran ymgymryd â gwaith o'r fath, ac fel aelodau o Gr?p Fframwaith Strategol Cymru rydym wedi cydweithio ag eraill wrth gasglu a dadansoddi gwybodaeth er mwyn nodi a mesur y risgiau a'r cyfleoedd a gynrychiolir gan bolisïau ar ôl Brexit.

Yn y cyfamser, ffocws ein hymgyrch #AmaethAmByth yw pwysleisio rhan hanfodol amaethyddiaeth yng Nghymru yn newid yn yr hinsawdd, cynhyrchu bwyd, bioamrywiaeth ac economeg ac yn ein cyfarfodydd rheolaidd â Gweinidogion Llywodraeth Cymru a'r DU ag eraill sydd â diddordeb.

Fel rhan o'r ymgyrch honno, rydym wedi cynnal ymweliadau â ffermydd i wleidyddion yn rheolaidd, a mynychwyd y rhain gan fusnesau bach a mawr sy’n dibynnu ar y diwydiant er mwyn dangos cymhlethdod a phwysigrwydd economaidd y cadwyni cyflenwi gyda ffermwyr yn allweddol, ac rwyf am gymryd y cyfle hwn i ddiolch i bawb sydd wedi cynnal a mynychu’r digwyddiadau hyn.

Er bod y gwaith o bwysleisio pwysigrwydd hyn i'r rhai y tu allan i'r diwydiant yn parhau, rydym hefyd wedi ymgynghori yn fewnol gydag aelodau ar natur polisïau ar ôl Brexit, gan gytuno ar yr egwyddorion allweddol cyffredinol a ddylai llywio llywodraethau'r DU o ran trafodaethau Brexit gyda’r UE a rhwng ardaloedd datganoledig y DU.

Yn y cyfamser, mae staff UAC ar draws Cymru wedi parhau i ddarparu gwasanaethau pwysig ar gyfer aelodau megis cymorth, cyngor ac arweiniad, yn ogystal â lobio materion megis TB a Parthau Perygl Nitradau - oll yn faterion sydd wedi cael eu trawsnewid yn llwyr oherwydd y penderfyniadau mewn perthynas â Brexit dros y misoedd a’r blynyddoedd sydd i ddod.

Wrth i’r gwleidyddion sydd o blaid Ewrop ddechrau cydnabod y peryglon o wfftio'r pryderon diffuant yngl?n â natur yr UE, mae nifer o wleidyddion o blaid gadael Ewrop yn gweld bod byd o wahaniaeth rhwng yr addewidion a wnaethpwyd cyn y refferendwm a’r byd go iawn o drafodaethau masnach, gwleidyddiaeth fyd-eang ac economeg.

Gyda dyfalu o'r hyn a allai Brexit olygu o ran amserlenni, cytundebau masnach, a deddfwriaeth sy'n newid yn ddyddiol, rydym yn wynebu lefel o ansicrwydd a risg nas gwelwyd ers cenedlaethau.

Gwn am lawer yn eu harddegau a'u hugeiniau sy’n siomedig iawn gyda chanlyniad y refferendwm a beth fydd goblygiadau hyn iddynt hwy a dyfodol ein cefn gwlad.

Pa well cymhelliant sydd yna i ni fel diwydiant a gwleidyddion ar bob ochr i'r ddadl i weithio er mwyn sicrhau bod dyfodol disglair ar gyfer y rhai a fydd yn cymryd ein lle yn y degawdau i ddod.

Mae gennym gyfrifoldeb i gynnig atebion, nodi ein gweledigaethau, ac ymladd am bolisïau a fydd yn gwneud dyfodol Cymru tu allan i'r UE yn un gwell, ac mae UAC wedi ymrwymo i wneud hynny fel llais annibynnol ar gyfer ffermio yng Nghymru.

Dymunaf Nadolig Llawen a Blwyddyn Newydd Dda i bob un ohonoch.

Beth well na phryd da o fwyd i ddod a phobl ynghyd i rannu syniadau, ac oherwydd bod Undeb Amaethwyr Cymru am barhau i sicrhau bod llais amaethyddiaeth Cymru’n cael ei glywed ar bob lefel, mae ffermydd ar draws Cymru yn eich gwahodd chi i’w ceginau (Ionawr 22-29)

“Mae angen i wleidyddion, rhanddeiliaid allweddol a’r cyhoedd ddeall pwysigrwydd y sector bwyd a diod i’n bywydau bob dydd, ac felly rydym am fwynhau cynnyrch gwych lleol i frecwast fel rhan o’n hymgyrch wythnos brecwast.

“Ond, rydym am i chi fod yn rhan o hyn a rhannu eich syniadau a’ch gofidiau am gyflwr y diwydiant, rydym am glywed eich hanesion chi a helpu ni i ddeall sut mae modd i ni helpu’n gilydd,” meddai Llywydd UAC Glyn Roberts.

Mae’r ymgyrch brecwast yn rhoi cyfle i hyrwyddo’r bwydydd gwych lleol sy’n cael ei dyfu ar ein cyfer bob dydd o’r flwyddyn, ac yn ystod wythnos brecwast, bydd UAC yn rhoi’r chwyddwydr ar bwysigrwydd ein heconomi wledig.

“Bydd y penderfynwyr yn ymuno gyda ni i weld rôl allweddol ffermwyr o gynnal ein cymunedau gwledig, cynnal sector amaethyddiaeth hyfyw a proffidiol ac wrth gwrs cynhyrchu bwyd gwych,” ychwanegodd Mr Roberts.

Dros y flwyddyn ddiwethaf, mae UAC wedi bod yn brysur yn pwysleisio pam bod amaeth o bwys - nid yn unig o ran diogelu'r cyflenwad bwyd, ond hefyd o ran ein heconomi a’n cymunedau gwledig.

Dros y deuddeng mis diwethaf, mae llu o fusnesau ar draws y wlad wedi bod yn ein cefnogi i drosglwyddo’r neges yma i’n gwleidyddion, a thrwy ymweliadau fferm, trafodaethau a chyfarfodydd, mae’r Undeb wedi sicrhau bod pawb yn deall pam bod #AmaethAmByth.

“Ond, rydym am barhau gyda’r gwaith hwnnw, ac am eich gwahodd chi i ymuno gyda ni am frecwast o amgylch bwrdd y gegin. Bydd ffermydd ar draws Cymru yn eich croesawu chi i’w ceginau lle bydd cynhyrchwyr, aelodau a’n gwleidyddion lleol yn ymuno gyda ni. Felly, ewch ati i sicrhau eich lle o amgylch un o’r byrddau a helpwch ni i ddangos pam bod #AmaethAmByth,” dywedodd Glyn Roberts.

Os ydych am ragor o wybodaeth am leoliad brecwastau yn eich ardal chi, am noddi rhai o’r cynnyrch neu am gynnal brecwast fel rhan o Wythnos Brecwast UAC, cysylltwch â’ch Swyddog Gweithredol Sirol.

Dyma leoliadau a dyddiadau’r brecwastau:

Ynys Môn -

Gwener, Ionawr 27, Cartio Môn, Bodedern

Brycheiniog a Maesyfed -

Iau, Ionawr 26, Talwen Fawr, Garthbrengy

Gwener, Ionawr 27, Pafiliwn Llanwelwedd, Maes y Sioe, Llanelwedd

Caernarfon -

Sadwrn, Ionawr 21, Meillionydd Bach, Rhoshirwaun, Pwllheli

Llun, Ionawr 23, Ty’n Hendre, Talybont, Bangor

Dydd Mawrth, Ionawr 24, Llys Padrig, Y Ffor, Pwllheli, Gwynedd

Gwener, Ionawr 27, Dylasau Uchaf, Padog, Betws-y-Coed, Conwy

Gwener, Ionawr 27, Caffi Ann, Marchnad Bryncir, Bryncir, Garndolbenmaen

Ceredigion -

Iau, Ionawr 26, Neuadd Goffa Felinfach, Llambed

Gwener, Ionawr 27, La Calabria, Rhydgoch, Ffostrasol, Llandysul

Sir Gaerfyrddin -

Iau, Ionawr 26, Clwb Rygbi Pontiets

Gwener, Ionawr 27, Pumpkin Patch, Caerfyrddin

Sir Ddinbych -

Gwener, Ionawr 27, Neuadd y Groes , Dinbych

Sadwrn, Ionawr 28, Neuadd y Pentref Gwytherin

Sir Fflint -

Sadwrn, Ionawr 28, Neuadd y Pentref Cilcain

Morgannwg -

Gwener, Ionawr 27, Lesser Hall, High Street, Cowbridge

Gwent -

Iau, Ionawr 26, Fferm T? Oakley, Hafodyrynys, Crymlyn

Gwener, Ionawr 27, Neuadd y Pentref Llanellen, Llanellen, Llan-ffwyst, Y Fenni

Meirionnydd -

Sadwrn, Ionawr 21, Castell Hen, Parc, Y Bala

Llun, Ionawr 23, Canolfan Siop y Pentref, Llanfrothen

Mercher, Ionawr 25, Llew Coch, Dinas Mawddwy

Iau, Ionawr 26, Marchnad Dolgellau

Gwener, Ionawr 27, Tymawr, Carrog, Corwen

Sadwrn, Ionawr 28, Neuadd Llanegryn

Sir Drefaldwyn -

Llun, Ionawr 23, Trewythen, Llandinam

Gwener, Ionawr 27, Pen Y Derw, Ffordun

Sir Benfro-

Gwener, Ionawr 27, Neuadd Cryndal, Cardigan Road, Cryndal, Hwlffordd