[caption id="attachment_7375" align="alignleft" width="300"] Aelod UAC Steve Smith yn rhoi sioc i Annie fel rhan o’r hyfforddiant cymorth cyntaf.[/caption]

Roedd ffermwyr Sir Drefaldwyn yn poeni am eu diffyg gwybodaeth o gymorth cyntaf sylfaenol a defnyddio diffibriliwr yn dilyn achos trist iawn yn y farchnad leol.

Er mwyn cynyddu eu hyder a’i gwybodaeth o sut i ymdrin â thrawiad ar y galon, aeth cangen Sir Drefaldwyn o Undeb Amaethwyr Cymru ati i wahodd Parafeddyg ac Ymatebwr Cyntaf o’r Trallwng Ianto Guy i’w cyfarfod sir i gynnal sesiwn ar gymorth cyntaf.

Yn ystod y sesiwn, pwysleisiodd Mr Guy y pwysigrwydd o wybodaeth cymorth cyntaf sylfaenol, yn enwedig ar gyfer ffermwyr a thrafodwyd gyda’r aelodau beth i’w wneud petai nhw’n gweld rhywun yn cael trawiad ar y galon.

Gan ddefnyddio ‘Annie’, dangoswyd i’r ffermwyr dau fath gwahanol o ddiffibriliwr ac esboniwyd sut y maent yn gweithio a sut i’w defnyddio.

[caption id="attachment_7376" align="alignright" width="300"] Ianto Guy yn cynorthwyo Cadeirydd y Sir Mark Williams ac aelod UAC Alwyn Watkin gyda’u sgiliau cymorth cyntaf.[/caption]

Dywedodd Emyr Wyn Davies, Swyddog Gweithredol UAC Sir Drefaldwyn: “Hoffwn ddiolch i Mr Guy am y sesiwn am ddim, a oedd yn ddefnyddiol tu hwnt i’n haelodau.  Roedd yn wych cael ychydig o hyfforddiant ymarferol a cawsom i gyd y cyfle i ddefnyddio’r diffibriliwr ac ymarfer cywasgiadau i’r frest.  Dangosodd Ianto hefyd sut i berfformio CPR.

“Rydym oll yn teimlo’n fwy hyderus i roi cymorth cyntaf sylfaenol i rywun sy’n cael trawiad ar y galon diolch i’r ymarfer hyn.”

Dywedwyd wrth y ffermwyr hefyd lle oedd diffibrilwyr yn cael eu cadw yn eu cymunedau lleol.

Fel diolch i Mr Guy, cyfrannodd cangen Sir Drefaldwyn £100 i Ymatebwyr Cyntaf Y Trallwng.

[caption id="attachment_7377" align="aligncenter" width="300"] Ianto Guy yn dangos i ffermwyr sut i ddefnyddio Diffibriliwr.[/caption]

[caption id="attachment_7358" align="alignleft" width="300"] Staff cangen Sir Drefaldwyn yn edrych ymlaen at eich gweld yn fuan![/caption]

Bydd ffermwyr Sir Drefaldwyn yn falch clywed bod ei swyddfa Undeb Amaethwyr Cymru lleol bellach wedi ail-leoli ac wedi agor yn swyddogol.

Mae’r swyddfa fodern newydd yn Uned 2, Parc Busnes St Giles sydd ar Ffordd y Trallwng, Drenewydd yn addas i’r anabl ac yn cynnig parcio am ddim hefyd.

O’i swyddfa lleol yn y Drenewydd, mae UAC yn darparu cyngor arbenigol i aelodau ar faterion amaethyddol, ymgynghori ac yn cyfathrebu gyda’r aelodau yn lleol ac ar draws Cymru, cynnig sylwadau ac yn ffurfio polisïau yn ymwneud a materion amaethyddol, gweithio gyda sefydliadau arall er mwyn lles Cymru wledig, wedi sefydlu pwyllgorau sefydlog a chyson i drafod pob mater sydd o bwys i ffermwyr Cymru ac yn cysylltu gyda phawb sy’n dod i benderfyniadau yn y Cynulliad Cenedlaethol, San Steffan a’r Undeb Ewropeaidd.

Mae’n haelodaeth yn cynrychioli sbectrwm eang o weithgareddau amaethyddol yng Nghymru gan gynnwys y sector defaid, b?ff, llaeth, moch, ffermio âr, a’r cynhyrchwyr hynny sy’n ymwneud a gweithgareddau arall megis y sector twristiaeth ac ynni adnewyddadwy.

Mae Emyr Wyn Davies, Swyddog Gweithredol UAC Sir Drefaldwyn yn edrych ymlaen at groesawu aelodau presennol a newydd i’r swyddfa newydd: “Rydym yn edrych ymlaen at groesawu ein haelodau presennol ac aelodau newydd wrth gwrs i’r swyddfa newydd. Mae agor y swyddfa newydd yn bennod newydd i’n sir ni ac edrychwn ymlaen at barhau i gynnig gwasanaethau gwerthfawr i’r gymuned amaethyddol.”

Mae UAC yn sefydliad democrataidd gyda 11 pwyllgor sefydlog gan gynnwys Pwyllgor Iechyd a Lles Anifeiliaid, Llaeth a Chynnyrch Llaeth, Da Byw, Addysg a Hyfforddiant, Arallgyfeirio a Llais yr Ifanc dros Ffermio gyda ffermwyr yn cael eu hethol yn ddemocrataidd fel cynrychiolwyr ar gyfer 12 cangen sirol yr Undeb ar draws Cymru.

‘AmaethAmByth’ yw arwyddair UAC, gan ein bod yn cydnabod bod amaeth o bwys mewn nifer o ffyrdd gwahanol, nid yn unig mae ffermydd yn cynhyrchu bwyd ond nhw hefyd yw asgwrn cefn ein heconomïau gwledig.

“Rydym yn gwybod bod ffermydd teuluol yn enwedig wrth wraidd ein heconomïau gwledig, yn gofalu am ein tirwedd, a’n diwylliant ac maent yn cyfrannu’n helaeth at les Cymru a’r DU. Rwy’n falch o fod yn gysylltiad yma yn Sir Drefaldwyn a gobeithio y bydd nifer fawr ohonoch yn galw am sgwrs a phaned yn y swyddfa newydd,” ychwanegodd Emyr Wyn Davies.

Siaradwch ac Emyr Wyn Davies - Swyddog Gweithredol Sirol, Alison Jones neu Lynne Baker - Cynorthwywyr Gweinyddol am unrhyw fater amaethyddol drwy ffonio’r swyddfa ar 01686 626889.

Mae ein staff yswiriant cyfeillgar yn barod i gynorthwyo gydag unrhyw fater yswiriant. Galwch mewn i siarad â Sophie Rees – Cynorthwy-ydd Gweinyddol, Nia Wyn Evans - Gweithredwr Cyfrif (De Sir Drefaldwyn) neu Kay Williams - Gweithredwr Cyfrif (Gogledd Sir Drefaldwyn).

Rydym braidd yn fusneslyd ac am wybod beth sydd ar y gweill gyda’n ffermwyr ifanc ar hyn o bryd. Pwy well i’w holi na Beca Glyn o Fetws y Coed. Dyma beth mae Beca wedi bod yn ei wneud dros yr wythnosau diwethaf.

Pwy yw Beca?

Yn 23 mlwydd oed, mae Beca Glyn wedi graddio o Brifysgol Aberystwyth gyda BSC yn Amaethyddiaeth a Busnes, a bellach yn gweithio ar y fferm biff a defaid teuluol 350 o aceri ym mharc cenedlaethol Eryri, Dylasau Uchaf, Padog, Betws y Coed.

Dechreuodd Beca ei diadell o ddefaid Hampshire Down ar wahân i’w thad Glyn Roberts 6 mlynedd yn ôl pan gafodd ddwy ddafad Hampshire Down fel anrhegion Nadolig.

Bellach, mae ganddi ddiadell o 15 o ddefaid Hampshire Down pur, 20 o ddefaid New Zealand Tomney a 20 o ?yn mynydd Cymreig sydd â gwerth genetig bras uchel. Yn ogystal â defaid mae Beca’n cadw dwy hwch Kune Kune o’r enw Morfydd a Matilda.  Mae hefyd yn mwynhau gweithio gyda’r ast ddefaid Mona.

Gaeaf

Gyda’r nosweithiau hir a thywyll wedi cyrraedd, roedd hi’n bryd dod a’r gwartheg i mewn dros y gaeaf. O ran y defaid, cychwynnwyd yn gynnar un bore i hel y defaid ar y mynydd o’r Cynefin, sef ardal y defaid ar fynydd agored.

Mae’n amser prysur gyda throi’r meheryn at y defaid dros yr wythnosau nesaf, ac mae wedi bod yn wythnos brysur, rwy’n edrych ar gyflwr yr holl ddefaid a meheryn ac yn eu dosbarthu nhw i grwpiau gwahanol ac yn gwneud yn si?r bod nhw’n holl iach ar gyfer y meheryn.  O’r diwedd mae’r defaid a’r ?yn benyw yn barod i fynd oddi ar y fferm am y gaeaf.

Yn gynnar un bore, ganwyd gefeilliaid yn y sied wartheg. Tuag at ddiwedd yr wythnos bu cyfle i mi ymarfer y sgiliau ddysgais yn y Brifysgol wrth helpu i baratoi ffurflen gais ar gyfer Grant Cynhyrchu Cynaliadwy - gobeithio y bydd yn llwyddiannus.

Cymdeithasu

Cynhaliwyd ein Eisteddfod Sir CFfI lleol dydd Sadwrn diwethaf ac rwyf wedi treulio rhan fwyaf o nosweithiau’r bythefnos ddiwethaf yn y neuadd leol yn Ysbyty Ifan yn ymarfer y ddrama fer, a fy rhan i oedd gwraig y fferm wrth gwrs!

Brexit

Rwy’n angerddol iawn am ffermio, felly rwy’n gobeithio y bydd ochr ariannol amaethyddiaeth yn darparu dyfodol hyfyw ar fy nghyfer. Ond rwy’n pryderi am y newid anferthol sydd wedi digwydd yn sgil Brexit.  Mae’n hanfodol bwysig i gadw’r ffermydd teuluol oherwydd y cyfraniadau amhrisiadwy i les anifeiliaid, rheolaeth tirwedd a diwylliant, yn enwedig yr iaith Gymraeg yng Nghymru.  Oherwydd ein bod wedi bod yn allforio 30% o ?yn Cymru i Ewrop, un o’n sialensiau fwyaf ar ôl Brexit fydd cael cytundeb masnach gyda’r UE a chael marchnad ar gyfer ein cynnyrch.

Sialens arall yw cynhesu byd-eang – rwy’n hollol sicr mae nid y diwydiant amaethyddol yw’r broblem ond mae gan y diwydiant ateb i’r broblem. Mae’n rhaid i ni ganolbwyntio a datblygu ar y cyfleoedd sy’n bodoli.

Y dyfodol

Fy nghynlluniau ar gyfer y dyfodol yw rhedeg y fferm deuluol ac aros o fewn fy milltir sgwâr. Er mwyn medru gwneud hyn, mae’n bosib bydd rhaid i mi feddwl am arallgyfeirio yn dibynnu beth yw dyfodol y diwydiant amaethyddol.  Rwy’n benderfynol o fyw yng Nghwm Eidda lle mae’n hiaith a’n diwylliant yn elfen bwysig o fywyd.

[caption id="attachment_7343" align="aligncenter" width="300"] Morfydd a Matilda, hychod Beca.[/caption]

[caption id="attachment_7331" align="alignleft" width="300"] Aelodau UAC Ynys Môn yn dweud wrth yr AS lleol Albert Owen pam bod #AmaethAmByth.[/caption]

Mae cangen Ynys Môn o Undeb Amaethwyr Cymru wedi cynnal cyfarfod llwyddiannus gyda’r AS lleol Albert Owen er mwyn trafod #AmaethAmByth, gan gynnwys yr economi wledig, Brexit a phwysigrwydd y fferm deuluol.