CWESTIYNAU CYFFREDIN

UAC yw’r fersiwn gryno o Undeb Amaethwyr Cymru. Corff aelodaeth yw'r FUW, sy'n cynrychioli ffermwyr Cymru yn unig. Yn aml, cyfeirir at UAC fel FUW.

Mae croeso i ffermwyr, amaethwyr, tirfeddianwyr a thyddynwyr ymuno â'r FUW. Gall pobl ifanc sy'n gweithio ym mhob agwedd o ddiwydiant gwledig ddewis aelodaeth FUW Academi a gall ffermwyr sydd wedi ymddeol dewis aelodaeth Ffermwr am Oes. Mewn gwirionedd, gall unrhyw un sydd eisiau cefnogi ffermio yng Nghymru ymuno trwy aelodaeth ‘Cefn Gwlad’. Darganfyddwch fwy am ein categorïau aelodaeth.

Mae FUW yn cynnal cysylltiad llawr gwlad trwy nifer o swyddfeydd lleol sy'n darparu cefnogaeth ac arweiniad. Mae'r grwpiau sirol yn darparu cynrychiolaeth a chefnogaeth ar faterion lleol. Mae'r Brif Swyddfa yn herio'r llywodraeth trwy lobïo ac ymgyrchu. Rydym hefyd yn datblygu meysydd marchnad ac yn darparu gwybodaeth trwy ein pwyllgorau sector. Yn ogystal â hyn, mae ein Tîm Polisi Llywyddol yn cael ei ethol gan ein haelodau sy’n ffermwyr ac yn cynrychioli ffermwyr ar lefel leol, genedlaethol a rhyngwladol, yn aml yn cymryd rhan mewn cyfarfodydd gweinidogol, gweithdai rhanddeiliaid a chyfarfodydd cangen leol. Darllenwch fwy am ein Harweinyddiaeth.

Mae gennym dudalen sy'n ymroddedig i drafod arweinyddiaeth FUW. 

Mae yna restr lawn o'n pwyllgorau a’i gorchwyl gwaith, yma. Os ydych chi am gymryd rhan, cysylltwch â'ch swyddfa leol i ddarganfod sut!

Gallwch ymuno â FUW trwy gysylltu â'n swyddfa gangen leol lle bydd staff yn hapus i helpu. Chwiliwch am eich swyddfa leol ac ymunwch heddiw.

Mae buddion aelodaeth yn gynhwysfawr ar draws ystod o feysydd. Gall aelodau llawn gael cymorth am ddim i lenwi'r Ffurflen Cais Sengl blynyddol, derbyn cyngor ar apeliadau a chosbau, a chefnogaeth wrth drin nifer o faterion cymhleth sy'n ymwneud â ffermio. Yn ogystal â chymorth busnes fferm, mae gan aelodau gyfle i gymryd rhan mewn ystod o weithgareddau ac ymweliadau fferm trwy gydol y flwyddyn. Yn ogystal â hyn, mae modd i aelodau fanteisio ar ystod wych o ostyngiadau gan sefydliadau partner. Mae mwy o wybodaeth ar yr ystod o fuddion i'w gweld ar ein tudalen Gwasanaethau.

Gallwch chi gymryd rhan cyn lleied neu gymaint ag y dymunwch. Mae llawer am fod yn aelod am y sicrwydd bod ganddynt gefnogaeth ac arweiniad pan fydd materion yn codi. Mae eraill yn ymaelodi fel bod ganddyn nhw gyfrwng uniongyrchol i leisio barn i lywodraeth a llunwyr polisi. Rydym yn annog pob aelod i ymgysylltu'n llawn er mwyn sicrhau ein bod yn lobïo dros y pethau sy'n wirioneddol bwysig i'r gymuned ffermio yng Nghymru.

Rydym wedi gweithio'n galed i sicrhau gostyngiadau ac arbedion gwych ar y gwasanaethau a'r cynhyrchion y mae ein haelodau wedi gofyn am. Mae rhestr gynhwysfawr ar gael yma.

Nid yw hynny'n broblem o gwbl. Gallwch chi fod yn aelod o fwy nag un sefydliad, yn ogystal â pharhau i dderbyn buddion aelodaeth FUW..

Dim o gwbl. Ni yw'r llais annibynnol cydnabyddedig ar gyfer ffermydd teuluol yng Nghymru, ac mae tyddynwyr yn bwysig iawn i ni. Rydym yn deall y gall materion sy'n effeithio ar dyddynwyr fod yn wahanol iawn i'r rhai sy'n effeithio ar ffermydd ar raddfa fwy ac rydym yn gweithio'n galed i sicrhau eich bod yn derbyn y gefnogaeth gywir. Fel sefydliad democrataidd ar lawr gwlad, mae gan bob aelod yr un cyfle i fynychu cyfarfodydd cangen, eistedd ar bwyllgorau a llunio polisïau undeb. Mae hyn yn ein helpu i ganolbwyntio ar y pethau sy'n wirioneddol bwysig i chi o ddydd i ddydd. Darganfyddwch fwy ar ein tudalen categorïau aelodaeth.

Cynlluniwyd ein FUW Academi gyda myfyrwyr a phobl ifanc mewn golwg. Gall aelodau FUW Academi fanteisio ar ostyngiadau ar hyfforddiant a gwybodaeth am y cynlluniau hyfforddi, grantiau a phartneriaethau diweddaraf. Darganfyddwch fwy am aelodaeth FUW Academi yma.

Cynhelir cyfarfodydd ledled Cymru. Defnyddiwch ein map i gysylltu â'ch swyddfa leol.

Mae gennym le pwrpasol ar ein gwefan i aelodau gysylltu â'i gilydd trwy ein fforymau. Gall aelodau gwrdd â'i gilydd ym mhob digwyddiad rydyn ni'n ei fynychu e.e. digwyddiadau brecwast ym mis Ionawr, ynghyd â chyfarfodydd, cyfarfodydd cangen sirol, digwyddiadau Academi ac ymweliadau fferm ac ati. Os ydych chi'n mynychu sioeau lleol neu rhai cenedlaethol yng Nghymru, stondin FUW yw'r lle gorau i rwydweithio ag aelodau eraill wrth fwynhau lletygarwch a saib bach.

Beth bynnag fo'ch diddordeb mewn ffermio, cysylltwch â'r swyddfa sir agosaf i drafod materion ffermio a chymryd rhan yn y drafodaeth.

Cysylltwch â'ch swyddfa leol i gael rhagor o wybodaeth.

Lleolir ein Prif Swyddfa ar gyrion Aberystwyth. Dewch o hyd i'r cyfeiriad llawn ar ein tudalen cysylltiadau.

Gallwch ddod o hyd i'ch swyddfa sir FUW agosaf ar ein map. Gallwch siarad ag unrhyw un o'n swyddfeydd, hyd yn oed os nad dyna'ch swyddfa agosaf.

Wrth gwrs. Efallai y bydd yn fwy cyfleus i chi fynd i gangen sydd ddim yn eich sir. Mae croeso i chi weithio gydag unrhyw gangen.

Mae aelodau presennol wedi derbyn e-bost yn cynnwys manylion ar sut i osod cyfrinair. Mae ein ardal mynediad ar-lein ar gael i aelodau FUW presennol yn unig. Os ydych am fynediad i'n cynnwys ychwanegol, sydd ond ar gael ar ôl i chi fewngofnodi, cysylltwch â ni gan ddefnyddio'r ffurflen gyswllt er mwyn cwblhau eich cais.

Dewch o hyd i'ch swyddfa agosaf ar ein map. Rhowch alwad iddynt neu anfonwch e-bost atynt a byddant yn hapus i ateb eich cwestiynau neu wrando ar bryderon.

Mae'r FUW yn mynd ati i gasglu barn aelodau er mwyn lobïo gwleidyddion a chyrff amaethyddol. Rydyn ni'n gwrando ar ein haelodau mewn cyfarfodydd a phwyllgorau sir, trwy gynnal ymgynghoriadau trwy'r wefan a thrwy gwrdd â chi wyneb yn wyneb mewn marchnadoedd a sioeau. Dim ond galwad ffôn i ffwrdd yw ein canghennau lleol ac maent yn sianelu barn i ffurfio calon ein safbwyntiau polisi. Cysylltwch â'ch swyddfa leol i rannu eich barn.

Gallwch chi gael gwybodaeth am y gweithgareddau lobïo diweddaraf ar ein tudalen Ymgynghoriadau.

Yn aml mae gennym lythyrau wedi'u hysgrifennu ymlaen llaw ar ein gwefan fel y gallwch ddod o hyd i fanylion ar gyfer eich AC neu AS lleol yn hawdd a chysylltu â nhw'n uniongyrchol. Cysylltwch â'ch swyddfa sir FUW leol i ddarganfod pa gefnogaeth y gallwn ei roi i chi.