Mae Hybu Cig Cymru wedi lansio ymgynghoriad wyth wythnos ar gynigion i gysylltu cyfraddau lefi cig coch â chyfraddau chwyddiant. Mae HCC am gael barn rhanddeiliaid ar sut y gellir parhau â’r gwaith o hyrwyddo cig coch Cymru yng ngoleuni’r gostyngiad, mewn termau real, yn yr incwm o refeniw’r lefi, oherwydd chwyddiant dros y 10 mlynedd diwethaf.
Mae’r cynnig ar gyfer cyflwyno mecanwaith newydd i ganiatáu i’r cyfraddau lefi blynyddol cyd-redeg â chwyddiant, fel bod incwm y lefi’n aros yr un peth mewn termau real. Er enghraifft, petai chwyddiant yn 2022 yn 8.8% yna byddai cyfraddau lefi 2023/24 yn cynyddu 8.8%. Mi fyddai hynny’n golygu bod y lefi ar gyfer cynhyrchwr defaid yn 2023/24 6 cheiniog yn uwch, gan godi o 63 ceiniog i 69 ceiniog, a’r lefi gwartheg 38 ceiniog yn uwch, gan godi o £5.67 i £6.05.
Mae HCC yn dweud y byddai cynyddu incwm y lefi yn sicrhau bod gan ddiwydiant cig coch Cymru gorff cig coch sydd â chyllid digonol i fynd ati i ddatblygu, hyrwyddo a marchnata cig coch Cymru, gartref a thramor.
Mae HCC yn cynnal cyfarfodydd i drafod y cynigion trwy gydol Tachwedd a Rhagfyr. Mae manylion y cyfarfodydd fel a ganlyn:-
7.00pm Dydd Mawrth 22ain Tachwedd - Coleg Glynllifon, Caernarfon
7.00pm Dydd Llun 5ed Rhagfyr - Coleg Cambria, Llysfasi, Rhuthun
7.00pm Dydd Mercher 7fed Rhagfyr - Cyfarfod ar-lein
Cofrestrwch ar gyfer y cyfarfodydd ar
Bydd yr ymgynghoriad yn cau ar 16eg Rhagfyr 2022. I gwblhau arolwg yr ymgynghoriad ewch i https://meatpromotion.wales/cy/levy-survey-2022