Cyfarfod Cyffredinol Blynyddol cangen Sir Feirionnydd o UAC

Trafodwyd sefyllfa bresennol y diwydiant amaethyddol ac ystyriwyd y dyfodol gan aelodau Meirionnydd o Undeb Amaethwyr Cymru yng nghyfarfod cyffredinol blynyddol y gangen a gynhaliwyd  yng Nghlwb Rygbi Dolgellau ar Ionawr 30. 

Cadeiriwyd y cyfarfod gan Robert Wyn Evans, Llywydd cangen sir Feirionnydd o UAC a siaradwyr y noson oedd Gweinidog yr Wrthblaid ar gyfer Cymunedau Cynaliadwy Ll?r Huws Gruffydd AC, Plaid Cymru; Cyfarwyddwr Amaethyddiaeth, Bwyd a Môr Llywodraeth Cymru Andrew Slade, a Rheolwr fferm Hafod y Llan, Nant Gwynant a chyn Gyfarwyddwr Polisi UAC, Arwyn Owen. 

Ar ddechrau’r cyfarfod cafwyd adroddiad byr o weithgareddau’r gangen yn ystod 2014 gan Huw Jones, swyddog gweithredol sirol UAC a dywedodd:  “Unwaith eto, rydym wedi cael cynrychiolaeth gref o aelodau o bob rhan o’r sir. Roedd y cyfarfod yn gyfle delfrydol i ystyried dyfodol y diwydiant yn y tymor byr a chanolig. 

“Ymhlith y nifer o bynciau a drafodwyd oedd canlyniad yr Adolygiad Barnwrol ynghylch Rhostiroedd yng nghyd-destun Cynllun y Taliad Sylfaenol a’r gwaith modelu cyfredol sy’n cael ei wneud er mwyn paratoi ar gyfer dulliau talu yn y dyfodol.  Trafodwyd y posibilrwydd o ymestyn y cyfnod trawsnewid, a hefyd y posibilrwydd o system haenau o daliadau.”

[caption id="attachment_4680" align="aligncenter" width="300"](from left) FUW Meirionnydd county branch president, Robert Wyn Evans, Welsh Government director of agriculture, food and marine, Andrew Slade, shadow minister for sustainable communities for Plaid Cymru, Llyr Huws Gruffydd AM and Hafod y Llan, Nant Gwynant farm manager and former FUW director of policy Arwyn Owen. (from left) FUW Meirionnydd county branch president, Robert Wyn Evans, Welsh Government director of agriculture, food and marine, Andrew Slade, shadow minister for sustainable communities for Plaid Cymru, Llyr Huws Gruffydd AM and Hafod y Llan, Nant Gwynant farm manager and former FUW director of policy Arwyn Owen.[/caption]

UAC Sir Gaernarfon yn codi £7,000 i elusen gyda brecwastau ffermdy

Unwaith eto mae cangen Sir Gaernarfon o Undeb Amaethwyr Cymru wedi bod yn hyrwyddo’r bwyd hyfryd a gynhyrchir yng Nghymru ac yn pwysleisio’r manteision o fwyta brecwast iachus yn ystod yr Wythnos Brecwast Ffermdy blynyddol a gynhaliwyd rhwng Ionawr 25 a 31. 

O ganlyniad i haelioni pawb ar draws y sir, llwyddodd y gangen nid yn unig i godi ymwybyddiaeth o gynnyrch brecwast Cymreig gwych, ond hefyd i godi swm hollol ryfeddol o £7,000 ar gyfer sawl elusen.  Bydd yr arian yn cael ei rannu rhwng elusennau’r Llywydd sef T? Hafan a T? Gobaith yn ogystal ag Ambiwlans Awyr Cymru a Sefydliad Prydeinig y Galon Cymru. 

Cynhaliwyd saith digwyddiad ar draws y sir i gefnogi ymgyrch Wythnos Brecwast Ffermdy sydd bellach wedi cael ei drefnu’n flynyddol ers 2000 gan yr Awdurdod Ydau Cartref. 

Bu Anwen Jones a Sara Evans, Lleuar Fawr, Penygroes; Anita Thomas, T?’n Hendre, Tal-y-bont, Bangor; Annwen Williams, Hirdre Fawr, Tudweiliog; Ifora Owen, Glyn Uchaf, Tynygroes, Conwy; Rhian Jones, Cae’r Graig, Efailnewydd, Pwllheli; Eleri Roberts, Dylasau Uchaf, Padog ger Betws y Coed a Anne Franz yn ei chaffi ym Mryncir wrthi’n ddiwyd yn paratoi brecwastau Cymreig llawn a chroesawyd yr holl gefnogwyr, yn gymdogion a ffrindiau’n gynnes iawn. 

Mae thema ymgyrch yr Awdurdod Ydau Cartref, ‘Bywiogi’ch Brecwast’ yn ein hannog i wneud newidiadau bach i’n trefn arferol yn y bore a gwneud yn si?r ein bod yn neilltuo amser i gael brecwast yn y bore.  Y pethau bach sy’n gwneud gwahaniaeth mawr ym mywydau pobl,” dywedodd swyddog gweithredol cangen sir Gaernarfon o UAC Gwynedd Watkin. 

“Mae cael pryd o fwyd da i ddechrau’r diwrnod o gymorth i’r corff drwy weddill y dydd , a pha ffordd well o wneud hynny na thrwy fwyta cynnyrch lleol.  

“Wrth gynnal y brecwastau yma, rydym yn dod a’r gymuned at ei gilydd ac yn cynorthwyo mwy nag un achos da.  Rwyf am ddiolch i’n staff, aelodau ac wrth gwrs y rheini sydd wedi sicrhau bod y brecwastau yma’n gymaint o lwyddiant, nid yn unig o safbwynt cynnyrch Cymreig ond ar gyfer ein helusennau haeddiannol,” ychwanegodd Mr Watkin.  

“Hoffwn fanteisio ar y cyfle i ddiolch o galon i’r holl fusnesau sydd wedi rhoi bwyd ar gyfer y brecwastau, heb gymorth y busnesau yma, ni fyddai’n bosib codi swm mor anrhydeddus o arian: Hufenfa De Arfon; Cotteswold Dairies; Llaeth y Llan; Dafydd Wyn Jones, Cigydd, Caernarfon; O G Owen, Cigydd, Caernarfon; Harlech Frozen Foods, Four Crosses; Elystan Metcalf, Cigydd, Llanrwst; Siop Fferm Glasfryn; Asda; Ieuan Edwards, Cigydd, Conwy; John Williams a’i Fab, Cigydd, Llanfairfechan; Spar, Nefyn; Co-op, Llanfairfechan; Dafydd Povey, Cigydd Teuluol, Chwilog; K.E.Taylor, Cigydd, Cricieth; G.Williams a’i Feibion, Cigydd, Bangor; Ffrwythau a Llysiau DJ, Cricieth; Stermat, Gaerwen; A.L. Williams, Cigydd, Edern; Siop Min y Nant, Caernarfon; Ian Jones Wyau Penygroes; Popty’r Foel, Llanllyfni; Llechwedd Meats, Llangefni; Ann Williams, Bryn Teg, Tudweiliog; Gwen Jones, Ty’n Rhos, Tudweiliog; Swyddfa Bost Tudweiliog; Garej Morfa Nefyn; Moch Ll?n, Penarfynydd, Y Rhiw; Bryn Jones, Cig Ceirion, Cigydd, Sarn; G&S Supplies, Dinas; Oinc Oink, Llithfaen; Wyau Plas, Llwyndyrus; Becws Glanrhyd, Llanaelhearn; AF Blakemore, Bangor; Tesco; Morrisons; Welsh Lady, Four Crosses; Wyau Ochr Cefn Isaf, Ysbyty Ifan; Belmot, Llanddoged; Popty Tandderwen, Betws y Coed; L & R.O Jones, Cigydd Llanrwst; Bookers Cash & Carry, Cyffordd Llandudno; Ceri Owen, T? Mawr, Bryngwran; Dei Hughes, Pencraig Uchaf, Betws y Coed; Becws Islyn, Aberdaron; Popty Pen Uchaf, Ysbyty Ifan; Popty Lleuar, Penygroes a Tractorau Emyr Evans,” ychwanegodd Mr Watkin.

[caption id="attachment_4675" align="aligncenter" width="300"]Anita Thomas (red apron) with Eleri, Jan and Eirwen ably assisted by Osian Anita Thomas (red apron) with Eleri, Jan and Eirwen ably assisted by Osian[/caption]

[caption id="attachment_4674" align="aligncenter" width="300"]Anwen Jones, Sara Evans, Elliw Evans, Gwenda Evans and Bethan Lloyd Jones hosted the Lleuar Fawr breakfast Anwen Jones, Sara Evans, Elliw Evans, Gwenda Evans and Bethan Lloyd Jones hosted the Lleuar Fawr breakfast[/caption]

[caption id="attachment_4673" align="aligncenter" width="300"]Ifora Owen (red striped apron) with her team of Ruth, Margaret, Eleri, Mair and Margaret. Ifora Owen (red striped apron) with her team of Ruth, Margaret, Eleri, Mair and Margaret.[/caption]

 

Brecwastau Meirionnydd yn Llwyddiant Ysgubol

Cynhaliodd Cangen Meirionnydd Undeb Amaethwyr Cymru dri brecwast llwyddiannus iawn  i gyfuno â digwyddiad blynyddol Wythnos Brecwast Fferm (Ionawr 25-31) - ymgyrch a drefnwyd ers y flwyddyn 2000 gan yr ‘Home Grown Cereals Authority’ (HGCA) .

Ar Ddydd Llun, Ionawr 26, cynhaliwyd brecwast gan Olwen a Nia Davies, T? Cerrig, yn Ysgol y Parc, ger Bala, ar Ddydd Iau Ionawr 29 gwnaeth Berwyn, Cerys a Beryl Hughes gynnal brecwast yn y Llew Coch, Dinas Mawddwy, a chynhaliwyd y brecwast olaf gan Dewi a Meinir Owen ar Ddydd Gwener Ionawr 30 yn Esgairgyfela, Aberdyfi.

“Diben y brecwastau oedd tynnu sylw at y manteision o fwyta brecwast iach a dod a’r gymuned at ei gilydd i drafod pynciau amaethyddol ac, wrth gwrs, i flasu’r gorau o gynnyrch Cymreig, ond yn ogystal i godi arian at elusennau dewisol Llywydd Undeb Amaethwyr Cymru, Mr Emyr Jones, sef T? Gobaith a T? Hafan”, meddai Swyddog Gweithredol Sirol Meirionnydd, Mr Huw Jones.

Ychwanegodd Mr Jones,“Rydym wrth ein boddau ein bod wedi codi tua £1,150 yn y Sir tuag at yr elusennau, ac rydym yn ddiolchgar iawn i bawb sydd wedi noddi’r digwyddiadau, i bawb a roddodd gymorth gyda’r trefniadau ac i bawb a fynychodd y brecwastau”.

[caption id="attachment_4366" align="aligncenter" width="300"]From left, Nia and Olwen Davies with some of the keen helpers. From left, Nia and Olwen Davies with some of the keen helpers.[/caption]

[caption id="attachment_4365" align="aligncenter" width="300"]From left, Lord Dafydd Elis Thomas AM, Dewi and Meinir Owen, FUW Insurance managing director Mark Roberts, FUW Meirionnydd county president Robert W Evans, North Wales Police rural crime officer Dewi Evans and FUW Meirionnydd county excutive officer Huw Jones. From left, Lord Dafydd Elis Thomas AM, Dewi and Meinir Owen, FUW Insurance managing director Mark Roberts, FUW Meirionnydd county president Robert W Evans, North Wales Police rural crime officer Dewi Evans and FUW Meirionnydd county excutive officer Huw Jones.[/caption]

[caption id="attachment_4364" align="aligncenter" width="300"]From left, Beryl Hughes, FUW Meirionnydd county excutive officer Huw Jones, FUW president Emyr Jones, Plaid Cymru election candidate Liz Saville Roberts and Cynan, Ceris and Berwyn Hughes. From left, Beryl Hughes, FUW Meirionnydd county excutive officer Huw Jones, FUW president Emyr Jones, Plaid Cymru election candidate Liz Saville Roberts and Cynan, Ceris and Berwyn Hughes.[/caption]

UAC Ceredigion yn dathlu cynnyrch lleol gyda brecwastau ffermdy

Ymunodd cangen Ceredigion o Undeb Amaethwyr Cymru yn yr ymdrech i amlygu’r pwysigrwydd o gael brecwast da drwy drefnu dau frecwast yn ystod yr Wythnos Brecwast Ffermdy blynyddol a gynhelir rhwng Ionawr 25 a 31.

Ar fore dydd Mawrth Ionawr 27, agorwyd drysau Tynrhyd, Pontarfynach, Aberystwyth gan aelodau UAC Siân a Gareth Price, a chroesawyd y gymuned wledig am frecwast yn ei hysgubor sydd wedi ei drawsnewid i fod yn fusnes newydd sy’n gallu cynnal priodasau, cynadleddau, lleoliad ar gyfer gweithgareddau tîm yn ogystal â llety hunan-ddarpar.

Cynhaliwyd yr ail frecwast gan Arwel a Mary Davies, Fferm Pantswllt, Talgarreg yn Neuadd Goffa Talgarreg ar fore dydd Mercher Ionawr 28.

“Roedd hyn unwaith eto yn gyfle gwych i gael brecwast Cymreig gwych wedi cael ei baratoi trwy ddefnyddio eitemau’n rhoddedig gan gynhyrchwyr a chyflenwyr lleol megis Wyau Buarth Birchgrove, Bara Gwalia o Lanybydder, Owain y cigydd o Aberaeron, y cigydd o Lanon ac aelod UAC Ben Evans a Costcutters Aberaeron.  Roedd hefyd yn gyfle i ffermwyr ddod at ei gilydd i drafod y newid sydd ar fin digwydd i’r system taliadau’r PAC sy’n seiliedig ar arwynebedd ac i drafod Cynllun y Taliad Sylfaenol” dywedodd Caryl Wyn-Jones, swyddog gweithredol sirol, cangen Ceredigion.

“Nid y brecwast gwych yn unig oedd o dan sylw yma.  Rydym yn creu cyfleoedd i ffermwyr ar draws y sir i drafod y polisïau amaethyddol Cymreig cyfredol a bu’n gyfle i ni fel Undeb i glywed eu pryderon a sicrhau eu bod nhw’n cael eu cynrychioli.

“Llwyddwyd hefyd i godi £500 i elusennau’r Llywydd sef T? Gobaith a T? Hafan a hoffwn ddiolch i’n holl aelodau a’r staff am eu cefnogaeth barhaol” ychwanegodd Miss Wyn-Jones.

Aelodau UAC yn datgan pryderon am bris llaeth

[caption id="attachment_4220" align="aligncenter" width="300"]from left to right – FUW senior policy officer Dr Hazel Wright with local AM Alun Ffred Jones and shadow minister for sustainable communities for Plaid Cymru, Llyr Huws Gruffydd AM from left to right – FUW senior policy officer Dr Hazel Wright with local AM Alun Ffred Jones and shadow minister for sustainable communities for Plaid Cymru, Llyr Huws Gruffydd AM[/caption]

Mae aelodau UAC yn Sir Gaernarfon heddiw (Llun 19eg Ionawr) wedi trafod yr argyfwng presennol ym mhris llaeth efo’r Aelod Cynulliad lleol, Alun Ffred Jones ar fferm yr Is-gadeirydd Sirol, Mr Tudur Parry, Pengelli Isaf, Ffordd Bethel, Caernarfon.

Mae Mr Parry yn ffermio 280 erw yn ymyl Caernarfon.  Mae ganddo fuches o 125 o wartheg godro Holstein Friesian, 40 o heffrod amnewid yn flynyddol, a 80 o fuchod stôr a werthir yn y farchnad da byw. Mae’r teulu hefyd yn cadw diadell o 250 o famogiaid ‘Suffolk X’ a ‘Mule’ gyda’r holl ?yn yn cael ei gwerthu ar y bachyn.

Mae’r diwydiant llaeth yng Nghymru yn parhau i fod yn anhapus dros ben gyda’r prisiau isel parhaol a’r proffidioldeb gwael, ac mae’r Undeb yn bryderus iawn fod adferiad byd-eang pris y farchnad yn bell iawn i ffwrdd oherwydd yr anghydbwysedd parhaus yn y cyflenwad a’r galw amdano.

Ar ôl yr ymweliad dywedodd Mr Parry: “Mae’r prisiau isel sy’n bodoli ar hyn o bryd yn anghynaladwy a bydd y diwydiant yn gweld hyd yn oed mwy o gwymp yn nifer y cynhyrchwyr gan fod hyd yn oed y rhai mwyaf proffidiol yn ei chael yn anodd goroesi yn y farchnad bresennol.

“Mae’r penderfyniad felly gan ‘First Milk’ i ohirio sieciau llaeth am bythefnos yn dod ar amser pan mae llawer o gynhyrchwyr llaeth mewn trafferthion yn dilyn misoedd ar fisoedd o brisiau isel amhroffidiol.  Mae’r oedi yma yn codi pryderon pellach am y ffordd orau i ddelio gydag anwadalrwydd y farchnad laeth byd-eang a’i effaith ar hyfywedd ffermydd llaeth yng Nghymru.”

Ychwanegodd Swyddog Gweithredol Sirol UAC Sir Gaernarfon, Mr Gwynedd Watkin: “ Mae ffermwyr llaeth Cymru ymysg y gorau yn y byd ond eto mae’r llaeth yn parhau i gael ei ddibrisio gan yr archfarchnadoedd.  Mae hyn yn anghyfiawnder i’r cynhyrchwyr llaeth sy’n hollol ymroddedig at gynhyrchu rhywbeth mor werthfawr. Rydym yn ddiolchgar iawn ein bod wedi cael y cyfle heddiw i drafod y mater gyda’n Aelod Cynulliad lleol.”

Aelodau UAC i drafod dyfodol ffermio

Bydd aelodau’n cael cyfle i edrych ar sefyllfa bresennol y diwydiant amaethyddol ac ystyried y dyfodol yng nghyfarfod cyffredinol blynyddol cangen Sir Meirionydd o Undeb Amaethwyr Cymru a gynhelir ar ddiwedd y mis.

Cynhelir y cyfarfod ar nos Wener Ionawr 30 am 7.30yh yng Nghlwb Rygbi Dolgellau a bydd siaradwyr y noson yn cynnwys Gweinidog yr Wrthblaid ar gyfer Cymunedau Cynaliadwy Ll?r Huws Gruffydd AC, Plaid Cymru, Cyfarwyddwr Amaethyddiaeth, Bwyd a Môr Llywodraeth Cymru Andrew Slade, a Rheolwr fferm Hafod y Llan, Nant Gwynant a chyn Gyfarwyddwr Polisi UAC, Arwyn Owen.

Bydd Swyddog Gweithredol Sirol UAC Huw Jones hefyd yn cyflwyno adroddiad byr o weithgareddau'r gangen yn ystod 2014 ar ddechrau'r cyfarfod.

"Unwaith eto, rydym yn apelio am gynrychiolaeth gref o aelodau o bob rhan o'r sir. Bydd y cyfarfod yn gyfle delfrydol i ystyried dyfodol y diwydiant yn y tymor byr a chanolig.”

Am fanylion pellach am y digwyddiad, mae modd ffonio 01341 422298 neu e-bostio This email address is being protected from spambots. You need JavaScript enabled to view it.