Un nôd sylfaenol sydd gan Undeb Amaethwyr Cymru sef amddiffyn a gweithredu ar ran buddiannau amaethwyr Cymru. Yn Undeb annibynnol gyda’r hawl a’r rhyddid i weithredu drosti ei hun, fe all UAC ddatgan safbwyntiau ffermwyr Cymru yn ddi-duedd, ac yn ddiymatal rhag materion adrannol. Sefydlwyd UAC yn 1955 pan y derbyniodd hawl swyddogol gan y Llywodraeth i gynrychioli a siarad ar ran amaethwyr Cymreig. Gwnaethpwyd hyn a sicrhaodd yr Undeb bod safbwyntiau ffermwyr yn cael eu lleisio gerbron y lefelau uchaf posib - yn y Cynulliad Cenedlaethol, y Llywodraeth ac ym Mrwsel.

Mae gan UAC rhwydwaith o swyddfeydd sirol a lleol ledled y wlad. Mae swyddogion arbenigol UAC yn darparu cyngor lleol o'r safon uchaf. Darperir cyngor yn lleol gan dîm UAC o arbenigwyr. Er bod gennym y rhyddid i lunio polisiau annibynnol rydym wastad yn barod i gydweithio gydag eraill er budd y diwydiant amaeth yng Nghymru. Mae gan UAC Bwyllgorau sefydlog sy’n cwrdd yn rheolaidd i drafod y materion sydd o bwys i ffermwyr Cymru. Mae gennym gysylltiad annibynnol â gwleidyddion allweddol yn y Cynulliad Cenedlaethol, y Llywodraeth a’r Undeb Ewropeaidd.