NEWYDD-DDYFODIAID IFAINC
Os yw dyfodol y diwydiant amaeth yng Nghymru am fod yn un egnïol, rhaid iddo ddenu ieuenctid talentog ac hyfforddiedig sy'n meddu ar egni a brwdfrydedd. Mae yna bryder am ddiffyg cyfleoedd i'r ifanc o fewn y diwydiant, a bod angen cymryd camau positif ar fyrder os yw'r problem o ddiffyg gwaed ifanc am gael ei ddatrys.

Mae UAC yn galw ar y Llywodraeth nesaf i:

  • gymryd mantais o bolisiau presennol yr UE ar gyfer cynorthwyo newydd­ddyfodiaid o dan 40 mlwydd oed i sefydlu'u hunain o fewn y diwydiant. Mae'r cynlluniau hyn yn cynnwys grantiau gosod, cymorthdaliadau buddsoddi a nawdd ar gyfer hyfforddiant;
  • gyflwyno cynllun ymddeol cynnar fel a ganiateir gan yr UE, er mwyn ail-strwythuro proffeil oedran y diwydiant ac nid i ail-strwythuro maint ffermydd;
  • ystyried anghenion a gobeithion newydd­ddyfodiaid ifainc yn ystod y trafodaethau ar ddiwygio'r PAC, e.e. cymorth wedi'i dargedu;
  • geisio diwygio'r rheolau presennol ar y sector llaeth er mwyn caniatau, er enghraifft, sefydlu cronfa o gwotâu llaeth yn arbennig ar gyfer newydd­ddyfodiaid i'r diwydiant;
  • ddarparu cymhellion ariannol i annog partneriaethau a chynlluniau ffermio cydweithredol;
  • ddarparu'r amgylchiadau cywir i sicrhau ffyniant y sector rhentu (gweler yr adran nesaf ar denantiaeth); sicrhau fod darparwyr addysg ac hyfforddiant galwedigaethol Cymru yn cynnig cyrsiau perthnasol ac hygyrch.