MATERION TENANTIAETH

Mae traean o holl ddaliadau Cymru yn cael eu rhentu ac y mae'r sector hwn yn chwarae rhan allweddol ac annatod yn strwythur diwydiant amaeth Cymru. Gwrthwynebodd UAC Denantiaethau Busnes Fferm am eu bod yn gam tuag at denantiaethau byr na all gynnig sicrwydd i'r dyfodol na chyfle i newydd-ddyfodiaid ennill eu plwyf o fewn y diwydiant.
Mae UAC yn argymell:

  • arolwg cynnar o Ddeddf Tenantiaethau Amaethyddol 1995 yng ngoleuni tystiolaeth y CCAV fod yna symudiad amlwg oddi wrth denantiaethau tymor hir i rai tymor byr gydag ond 7% o ddaliadau rhent y wlad yn cael eu gosod i wir newydd­ddyfodiaid;
  • parhad daliadau bychain y Cynghorau Sir fel cam cyntaf i fewn i'r diwydiant amaeth;
  • y dilyd galw am asiantaeth genedlaethol yng Nghymru â chyfrifoldeb am reoli a gweinyddu ffermydd y Cynghorau Sir yn dilyn ad-drefnu llywodraeth leol;
  • y dylid gwrthwynebu'n gryf yr awgrym, a wnaed yn y Papur Gwyn "Cefn Gwlad Cymru ar Waith", i ganiatau i awdurdodau lleol ddefnyddio 90% o'r elw a wnânt ar werthu ffermydd y Cyngor Sir.