Y SECTOR CNYDAU
Tra bod cyfraniad y sector cnydau'n cyfrif am ryw 3.8% yn unig o holl gynnyrch fferm Cymru, nid yw hyn yn adlewyrchu'r cyfraniad pwysig a wna i gynnal economďau lleol yn rhai ardaloedd. Mae UAC yn pryderu'n fawr am rai o egwyddorion y drefn ffermio âr - yn arbennig yr egwyddorion hynny a osodwyd ar naill ochr sydd, ar eu ffurf presennol, yn cael eu hystyried yn anymarferol ac yn anghynaladwy.

Mae UAC yn pwyso ar y llywodraeth nesaf i:

  • alw am arolwg cynnar o drefn ffermio âr yr UE;
  • goethi'r sustem bresennol o dalu cymorthdaliadau âr fel bo adnoddau'n cael eu targedu a'u addasu yn ôl maint y busnes;
  • wrthsefyll unrhyw bolisi sy'n galw am symud cynilion o un sector i sector arall;
  • ail­werthuso'r modd o gyfrifo cymorthdaliadau âr i Gymru er mwyn osgoi'r rhagfarn bresennol;
  • geisio diwygio'r rheolau newid o un i un ar gyfer tir âr gan roddi'r rhyddid i ffermwyr gyfnewid tir a gofrestwyd (ar gyfer pwrpasau cymorthdaliadau âr) am unrhyw dir na gofrestwyd ar y fferm;
  • sicrhau fod cymorthdalliadau âr Cymru yn cael eu talu cyn dyddiad cau Siarter y Ffermwyr;
  • ddarparu cymhellion addas yn unol â rheolau'r UE ar gyfer datblygiadau bio­egni a'r defnydd ohonynt fel rhan o raglen i gynnal egni.