IECHYD A LLES ANIFEILIAID

Mae didwylledd y diwydiant da byw ­ sector y mae amaethyddiaeth Cymru yn dibynnu'n fawr arno ­ yn galw am safonnau iechyd a lles anifeiliaid tynn o'r safon uchaf. Cymeradwywn reolau ymddygiad a phum rhyddid FAWC er mwyn diogelu lles anifeiliaid.

Cred UAC:

  • y dylid cyflwyno deddfwriaeth resymol ac ymarferol er mwyn sicrhau'r safonnau uchaf o les anifeiliaid cyn gynted â bo modd, er enghraifft, deddfwriaeth ynglyn â lles anifeiliaid wrth deithio;
  • fod angen ymarfer yr un safonnau ar draws yr UE er mwyn sicrhau na chaiff Prydain ei gosod o dan anfantais cystadleuol;
  • mai ar sail dadleuon gwyddonol ac nid syniadau emosiynol am les anifeiliaid y dylid gwneud penderfyniadau am reoli clefydau;
  • na ddylid atal ffermwyr rhag cael mynediad i ddewis eang o gynhyrchion PML a meddyginiaethau presgripsiwn yn unig;
  • y dylid sicrhau fod gan y gwasanaeth milfeddygol ddigon o lafur ac adnoddau ariannol i ddiogelu'r diwydiant rhag clefydau endemig ac anghysefin;
  • fod angen darparu adnoddau digonol ar gyfer rhaglenni ymchwil o blaid dulliau ataliol a dulliau gwellhaol o reoli clefydau;
  • rhaid i ffermwyr gael yr hawl i ddylanwadu ar fesurau difa pla. Dylai'r Llywodraeth gadw statws rhywiogaethau gwarchodedig Prydain dan sylw;
  • tra y dylid caniatau prosesau sy'n galluogi anifail i wireddu ei botensial genetig, dylid gwrthwynebu addasu genetig sy'n codi cwestiynau moesol, yn ogystal ag ystyriaethau economaidd, cymdeithasol a chyfreithiol.