MESURAU AMAETH-AMGYLCHEDDOL

Cyflwynwyd nifer o gynlluniau amaeth­amgylcheddol fel rhan o'r mesurau i ddiwygio'r PAC, ac yn awr y mae dwy ran o dair o gefn gwlad Cymru wedi'i dynodi fel safleoedd o ryw bwysigrwydd amgylcheddol/ cadwraethol. Er bod y mesurau i ddiwygio'r PAC yn ôl yn 1992 wedi effeithio ar bob ffermwyr yng Nghymru, ychydig iawn ohonynt a fedrai fanteisio ar y cynlluniau hyn a lansiwyd gyda'r bwriad o ddiwygio'r sectorau cynhyrchu.

Mae UAC yn galw ar y llywodraeth nesaf i:

  • ddefnyddio'r arolwg presennol ar gynlluniau amaeth­amgylcheddol yng Nghymru i ddarparu'r cyfle i ffermwyr Cymru gael mynediad, yn wirfoddol, i fesurau amaeth­amgylcheddol pa le bynnag bônt yn byw;
  • symleiddio cymhlethdod y sefyllfa yng Nghymru gan ad-drefnu a chyfuno'r plethora o gynlluniau yn un Cynllun Amaeth­Amgylcheddol dros Gymru Gyfan;
  • ddarparu nawdd digonol i sicrhau lefel rhesymol o gymorth er mwyn annog ffermwyr i ddarparu buddiannau amgylcheddol positif o dan Gynllun Amaeth­Amgylcheddol dros Gymru Gyfan;
  • adnabod y buddiannau economaidd­gymdeithasol a all ddeillio o gynlluniau gwarchod cefn gwlad, yn ogystal â'r buddiannau cadwraethol ac amgylcheddol uniongyrchol; gynorthwyo ffermwyr sy'n wynebu costau buddsoddi trwm yn sgîl mesurau wedi'u llunio er mwyn atal llygredd.