Sylw arbennig i faterion ffermio yn sioe sir Ynys Môn

Cafodd Undeb Amaethwyr Cymru Ynys Môn sioe sir lwyddiannus lle cafodd materion ffermio sylw arbennig dros ddau ddiwrnod hynod brysur.

Cafwyd cyfarfodydd gyda gwleidyddion lleol, yn ogystal â’r Prif Weinidog Mark Drakeford a Gweinidog Amaethyddiaeth Cymru Lesley Griffiths.  Defnyddiwyd y cyfarfodydd hyn fel cyfle i ddwyn sylw at faterion sy’n creu heriau i ffermydd teuluol Cymru gan fygwth eu dyfodol fel ffermydd ffyniannus a chynaliadwy.

Cystadleuaeth i ddylunio cerdyn Nadolig UAC

Mae disgyblion ysgolion cynradd o bob rhan o Gymru yn cael eu gwahodd i gymryd rhan mewn cystadleuaeth i ddylunio cerdyn Nadolig ar y thema ffermio ar gyfer cystadleuaeth cardiau Nadolig UAC.

Mae UAC yn gofyn i blant rhwng pedair ac 11 oed i ddylunio golygfa amaethyddol Nadoligaidd ar gyfer ei chardiau Nadolig, a fydd yn cael eu gwerthu i godi arian ar gyfer elusen yr Undeb sef Ambiwlans Awyr Cymru.

UAC Meirionnydd yn edrych ymlaen at sioe’r sir

Mae cangen Meirionnydd o Undeb Amaethwyr Cymru (UAC) yn edrych ymlaen at ddiwrnod prysur yn Sioe'r Sir (Dydd Mercher, 23 Awst), a fydd yn cael ei chynnal yn Harlech.

Bydd swyddogion yr Undeb, gan gynnwys Llywydd UAC, Ian Rickman yn croesawu gwleidyddion i'r stondin am drafodaeth ar faterion amaethyddol sy’n effeithio ffermwyr yn y sir a ledled Cymru.

Bydd swyddogion a staff yr undeb, yn ogystal â Gwasanaethau Yswiriant FUW Cyf wrth law i ateb unrhyw gwestiynau a allai fod gan ein haelodau.

Ffermwyr bîff a defaid o Ogledd Cymru yn codi pryderon y diwydiant gyda'r Gweinidog Amaeth

Mae tad a merch, sy’n ffermio gwartheg bîff a defaid yng Ngogledd Cymru, Glyn Roberts a Beca Glyn, wedi codi pryderon am gynlluniau ffermio arfaethedig a materion sy’n creu rhwystrau i ffermydd teuluol ffyniannus, cynaliadwy yng Nghymru, wrth iddynt groesawu’r Gweinidog Amaeth Lesley Griffiths i’w fferm.

Wrth fynd â Lesley Griffiths o amgylch y sied wartheg a’r caeau yn Nylasau Uchaf, tynnodd Glyn Roberts sylw at rai o’r mesurau y maent wedi’u rhoi ar waith i wneud eu harferion ffermio yn fwy cynaliadwy. Clywodd y Gweinidog sut y gall defnyddio deunydd gwahanol o dan y gwartheg, fel estyll padio yn lle estyll concrit plaen yn y siediau gwartheg, wneud gwahaniaeth o 500 - 600 gram y dydd o gynnydd pwysau byw i wartheg ar yr un diet.

UAC yn edrych ymlaen at wythnos brysur yn yr Eisteddfod

Mae Undeb Amaethwyr Cymru (UAC) yn edrych ymlaen at wythnos brysur yn yr Eisteddfod Genedlaethol ym Moduan ac mae yna raglen lawn o ddigwyddiadau ar y gweill ar gyfer ymwelwyr i’r Eisteddfod.

Dywedodd Uwch Swyddog Gweithredol UAC dros Sir Gaernarfon, Gwynedd Watkin: “Heb amheuaeth, uchafbwynt yr wythnos fydd cael cyflwyno’r Goron ar ran UAC. Mae’n Goron hardd iawn, wedi ei dylunio a’i gwneud gan Elin Mair Roberts, gemydd ifanc sy’n masnachu o dan y teitl Janglerins o Y Ffor, nepell o faes yr Eisteddfod.”

Gohebydd Amgylchedd BBC Cymru yn cael ei gydnabod gyda gwobr UAC

Mae Undeb Amaethwyr Cymru unwaith eto wedi cydnabod newyddiadurwr rhagorol gyda gwobr goffa Bob Davies.

Drwy’r wobr mae UAC yn cydnabod y rôl hanfodol y mae’r cyfryngau yn ei chwarae wrth amlygu materion ffermio a materion gwledig, a dod â chefn gwlad yn nes at y rhai nad ydynt efallai’n ymwneud yn uniongyrchol â’r diwydiant.